«Մանչեսթեր Յունայթեդը» շարունակում է գլխավոր մարզչի փնտրտուքները:
Ինչպես հաղորդում է Get French Football News-ը, «կարմիր սատանաների» ներկայացուցիչները բանակցություններ են վարել ՊՍԺ-ի գլխավոր մարզիչ Մաուրիսիո Պոչետինոյի հետ:
Նշենք, որ արգենտինացի մասնագետը անգլիական ակումբը գլխավորելու հիմնական թեկնածուն է: Դիտարկվում է նաև «Այաքսի» գլխավոր մարզիչ էրիկ տեն Հագի հետ գործակցության տարբերակը:
Հիշեցնենք, որ մանկունիանցիների գլխավոր մարզչի պաշտոնակատար Ռալֆ Ռանգնիկը մրցաշրջանի ավարտին այլ պաշտոն է ստանալու թիմում:
Չեմպիոնների լիգայի 1/8 եզրափակիչում «Ռեալին» զիջելուց հետո էլ սասանված են Պոչետինոյի դիրքերը: Ֆրանսիական մամուլը հավաստիացնում է, որ 50-ամյա մասնագետը հեռանալու է մրցաշրջանի ավարտից հետո:
