«Մանչեսթեր Յունայթեդի» կիսապաշտպան Պոլ Պոգբան ամռանը փոխելու է ակումբային գրանցումը:
Football Addict-ի հաղորդմամբ՝ «Յուվենտուսն» ու «Բավարիան» արդեն պաշտոնական առաջարկ են արել ֆրանսիացուն:
Նշվում է, որ ակումբները ցանկանում են վճարել ավելի ցածր աշխատավարձ, քան աշխարհի չեմպիոնն ստանում է «կարմիր սատանաների» կազմում:
Հիշեցնենք, որ Պոգբայի գործող պայմանագրի ժամկետը նախատեսված է մինչև 2022 թվականի հունիսի 30-ը: Եթե կողմերը նոր պայմանագիր չկնքեն, ֆրանսիացին թիմից կհեռանա անվճար:
Այժմ Պոլը վերականգնվում է վնասվածքից ու չի կարող օգնել իր թիմին մրցաշրջանի մնացած հատվածում: