«Մանչեսթեր Յունայթեդի» ֆրանսիացի կիսապաշտպան Պոլ Պոգբան ցանկանում է տեղափոխվել «Յուվենտուս»՝ հաղորդում է Tuttosport-ը։
Ըստ աղբյուրի՝ ֆուտբոլիստը թուրինյան ակումբ տեղափոխությունն ավելի հեռանկարային ընտրություն է համարում, քան ՊՍԺ տեղափոխությունը։
29-ամյա Պոգբայի գործող պայմանագրի ժամկետը «Մանչեսթեր Յունայթեդի» հետ լրանում է այս ամառ: Ամենայն հավանականությամբ, կողմերը նոր պայմանագիր չեն կնքի, և ֆրանսիացին կհեռանա անվճար՝ ազատ գործակալի կարգավիճակով:
Ընթացիկ մրցաշրջանում Պոգբան բոլոր մրցաշարերում անցկացրած 24 խաղում դարձել է 1 գոլի ու 9 գոլային փոխանցման հեղինակ։