ՀՀ կրթության, գիտության, մշակույթի և սպորտի նախարարի տեղակալ Կարեն Գիլոյանը հունիսի 10-12-ը Շվեյցարիայի Լոզան քաղաքում կմասնակցի Համաշխարհային հակադոպինգային գործակալության (WADA) ամենամյա սիմպոզիումին՝ հայտնում է գերատեսչության մամուլի ծառայությունը։
Տեղում փոխնախարարը նաև աշխատանքային հանդիպումներ կունենա WADA-ի նախագահ Վիտոլդ Բանկայի, գլխավոր քարտուղար Ֆրեդերիկ Դոնզեի, Ըմբշամարտի միջազգային ֆեդերացիայի գլխավոր քարտուղար Կառլոս Ռոյի և այլ պաշտոնատար անձանց հետ:
WADA-ի ամենամյա սիմպոզիումը հակադոպինգային օրացույցի խոշորագույն միջոցառումներից է: Այն պետք է անցկացվեր մարտի 24-25-ը, սակայն հետաձգվել էր կորոնավիրուսի համավարակի պատճառով: