Հյոն Մին Սոնը(«Տոտենհեմ») ու Մոհամեդ Սալահը(«Լիվերպուլ») դարձան Անգլիայի առաջնության լավագույն ռմբարկուներ։
Ե՛վ «Տոտենհեմի» կիսապաշտպանը, և՛ «Լիվերպուլի» հարձակվողը 23-ական գոլի հեղինակ դարձան 35 խաղում։ Սալահը նաև դարձավ մրցաշարի լավագույն ասիստենտը՝ կատարելով 13 գոլային փոխանցում։ Նրա ակումբակից Տրենտ Ալեքսանդր-Առնոլդը 12 գոլային փոխանցում է կատարել։
Ալիսոնն ու Էդերսոնը կիսեցին ԱՊԼ-ի ավարտված մրցաշրջանի «Ոսկե ձեռնոց» մրցանակը։ «Լիվերպուլի» ու «Մանչեսթեր Սիթիի» դարպասապահները 2021/22 մրցաշրջանում 20 խաղում կարողացան անառիկ պահել դարպասը։
Ալիսոնն այս մրցանակը կարիերայում երկրորդ անգամ է նվաճում, իսկ Էդերսոնը՝ 3-րդ անգամ, ընդ որում՝ անընդմեջ։