Անգլիայի Պրեմիեր լիգան 2 նոր մրցանակ է սահմանել մրցաշրջանի համար՝ տեղեկացնում է մրցաշարի մամուլի ծառայությունը: Նոր մրցանակներից մեկը կշնորհվի խաղացողի, մյուսը՝ թիմի:
Առաջին մրցանակը կստանա այն խաղացողը, որը կխփի մրցաշրջանի ամենահզոր գոլը։ Գոլի հզորությունը հաշվարկվելու է գնդակի միջին արագությամբ՝ այն պահից սկսած, երբ այն կհատի դարպասի գիծը:
Այս անվանակարգում ներառվելու են տուգանային հրապարակի սահմաններից դուրս կատարված հարվածներով հեղինակված գոլերը, որոնցից հետո գնդակը չի անդրադարձել ոչ մի խաղացողից:
Երկրորդ մրցանակը կստանա այն թիմը, որն ամենաանհավանական քամբեքը կկատարի մրցաշրջանի ընթացքում:
Նոր մրցանակաները կսկսեն շնորհվել այս մրցաշրջանից: ԱՊԼ-ի ընթացիկ մրցաշրջանի ավարտին մնացել է 1 տուր:
