Հայտնի են դարձել ՊՍԺ-ում Լիոնել Մեսիի, Նեյմարի և Կիլիան Մբապեի աշխատավարձերը։ Լիգա 1-ի ամենաբարձր վարձատրվող ֆուտբոլիստների ցուցակը հրապարակել է L'Equipe-ը։
Աղբյուրի համաձայն՝ չնայած COVID-19-ին և Mediapro-ի ճգնաժամին՝ Լիգա 1-ում աշխատավարձերը բարձրացել են վերջին 2 մրցաշրջանի ընթացքում: Սա հակասում է սպասվող նվազման միտումին։
Ամենաշատը Նեյմարն է ստանում՝ ամսական 4,083 մլն եվրո։ Երկրորդ տեղում է Մեսին (ամսական 3,375 մլն եվրո), երրորդում՝ Մբապեն (ամսական 2,22 մլն եվրո): Վարկանիշի լավագույն 20-յակում ՊՍԺ-ի 18 խաղացող կա։
Հիշեցնենք՝ ՊՍԺ-ն Ֆրանսիայի առաջնության մրցաշարային աղյուսակում զբաղեցնում է առաջին տեղը՝ 29 խաղում վաստակած 65 միավորով։