Բրազիլացի հարձակվող Նեյմարն այս ամառ կարող է հեռանալ ՊՍԺ-ից՝ տեղեկացնում է El Chiringuito-ն: Աղբյուրի տեղեկություններով՝ փարիզյան թիմը խաղացողի ծառայություններն առաջարկել է կատալոնական «Բարսելոնային»:
ՊՍԺ-ն պատրաստ է Նեյմարի տրանսֆերային իրավունքը «Բարսային» վաճառել 50 միլիոն եվրոյով: Նեյմարի գործակալն արդեն բանակցություններ է վարել կատալոնական ակումբի հետ:
Բրազիլացին դեմ չէ վերադառնալ «Բարսելոնա», որը, ըստ աղբյուրի, միակ ակումբն է, որտեղ նա պատրաստ է տեղափոխվել ՊՍԺ-ից։
Բրազիլացին կատալոնական թիմում խաղացել է 2013-2017 թվականներին, որտեղից էլ ռեկորդային՝ 222 միլիոն եվրոյով տեղափոխվել է փարիզյան ակումբ:
Ավելի վաղ հաղորդվում էր, ՊՍԺ-ն Նեյմարի ծառայություններն առաջարկել է նաև Թուրինի «Յուվենտուսին»: 30-ամյա բրազիլացի հարձակվողի պայմանագիրը ֆրանսիական ակումբի հետ գործում է մինչև 2025 թվականի ամառ: