ՊՍԺ-ն չի ցանկանում դադարեցնել Զինեդին Զիդանին թիմ հրավիրելու փորձերը։
Sportmediaset-ի համաձայն՝ ֆրանսիացի մասնագետը նախօրեին հանդիպել է փարիզցիների նախագահ Նասեր Ալ-Խելաիֆիի հետ։ Փարիզյան թիմի կատարցի ղեկավարը Զիդանին հայտնել է, որ պատրաստ է նրան դարձնել աշխարհի ամենաբարձր վարձատրվող ֆուտբոլային մարզիչը:
Աղբյուրի տեղեկություններով՝ եթե Զինեդինը համաձայնի գլխավորել ֆրանսիական թիմը, ապա նրան տարեկան կվճարեն 25 միլիոն եվրո։ Այժմ աշարհի ամենաբարձր վարձատրվող մասնագետը Դիեգո Սիմեոնեն է (տարեկան 24 միլիոն եվրո):
Միևնույն ժամանակ իսպանական լրատվամիջոցները նշում են, որ Զիդանը մերժել է առաջարկը: Մասնագետը ցանկանում է գլխավորել Ֆրանսիայի ազգային հավաքականը, ինչը նրան թույլ կտա ապրել Մադրիդում և միայն միջազգային հանդիպումների ժամանակ վերադառնալ Փարիզ:
Նշենք՝ ՊՍԺ-ն ներկայում գլխավորում է Մաուրիսիո Պոչետինոն: Արգենտինացի մասնագետի՝ փարիզցիների հետ պայմանագիրը գործում է մինչև հաջորդ տարվա ամառ:
