ՊՍԺ-ն ցանկանում է թիմ հրավիրել «Բարսելոնայի» հարձակվող Ուսման Դեմբելեին՝ հաղորդում է լրագրող Թոնի Խուանմարտին։

Ըստ աղբյուրի՝ մի քանի օր առաջ փարիզյան ակումբը հարձակվողին տարեկան 17 մլն եվրո աշխատավարձ է առաջարկել։ Ֆուտբոլիստը դեռ չի պատասխանել փարիզցիների առաջարկին։ Հաղորդվում է, որ Դեմբելեի համար առաջնային տարբերակ է համարվում «Բարսելոնայում» մնալը, սակայն ավելի լավ ֆինանսական պայմաններով։

Պրիմերայի ընթացիկ մրցաշրջանում Դեմբելեն 17 խաղում խփել է 1 գոլ ու կատարել 11 գոլային փոխանցում։