ՊՍԺ-ի ղեկավարությունը Կիլիան Մբապեի հեռանալու դեպքում ձեռք կբերի «Բենֆիկայի» հարձակվող Դարվին Նունյեսի տրանսֆերային իրավունքը՝ հաղորդում է Marca-ն։

Փարիզյան ակումբի ղեկավարությունը կարծում է, որ երիտասարդ ուրուգվայցին կկարողանա հաջողությամբ փոխարինել աստղային ֆրանսիացուն, որը, ամենայն հավանականությամբ, կտեղափոխվի «Ռեալ»։

«Բենֆիկայի» ֆուտբոլիստի ծառայություններով հետաքրքրված են նաև «Բարսելոնան», «Ատլետիկոն» ու «Մանչեսթեր Յունայթեդը»։

Ընթացիկ մրցաշրջանում Դարվին Նունյեսը «Բենֆիկայի» կազմում անցկացրած 41 խաղում դարձել է 34 գոլի ու 4 գոլային փոխանցման հեղինակ։ Transfermarkt-ը 40 մլն եվրո է գնահատում 22-ամյա ֆուտբոլիստի շուկայական արժեքը։