Ֆրանսիական «Պարի Սեն-Ժերմենը» պայմանավորվել է Մաուրիսիո Պոչետինոյի հետ համագործակցությունը դադարեցնելու վերաբերյալ՝ հաղորդում է RMC Sport-ը։
Ակումբը լիարժեք պայմանավորվածության է եկել 50-ամյա մասնագետի և նրա մարզչական շտաբի հետ պայմանագիրը խզելու վերաբերյալ։ Կողմերին մնացել է միայն ստորագրել համապատասխան փաստաթղթերը։
Ավելի վաղ հաղորդվել էր, որ Պոչետինոն, 15 մլն եվրո փոխհատուցումից և տարեկան աշխատավարձից բացի, ցանկացել է 2 մլն եվրոյի բոնուս ստանալ ՊՍԺ-ից։ Հենց այդ պատճառով է ձգձգվել նրա պաշտոնանկության գործընթացը։