VivaroNews-ն առանձնացրել է դեկտեմբերի 24-ին տեղի ունեցած ամենաուշագրավ իրադարձությունները և դրանք ներկայացնում է ձեր ուշադրությանը:
ՀԱՅԱՍՏԱՆ
«Մանչեսթեր Յունայթեդի» հայ կիսապաշտպան Հենրիխ Մխիթարյանը ֆեյսբուքյան իր էջում շնորհավորել է կաթոլիկ աշխարհի Սուրբ Ծննդյան տոնը:
Արաբական Միացյալ Էմիրությունների 1-ին խմբի առաջնության 6-րդ տուրում «Ալ-Ֆուջեյրան» սեփական հարկի տակ ոչ-ոքի՝ 1-1 հաշվով է ավարտել «Ալ-Շաաբի» հետ հանդիպումը: Խաղի հաշիվը բացել է Հայաստանի հավաքականի կիսապաշտպան Մարկոս Պիզելին:
Հայաստանի շախմատի հավաքականի երեք անդամներ՝ Լևոն Արոնյանը, Վլադիմիր Հակոբյանն ու Հրանտ Մելքումյանը կմասնակցեն Քաթարի մայրաքաղաք Դոհայում դեկտեմբերի 26-ին մեկնարկող արագ և կայծակնային շախմատի աշխարհի առաջնություններին:
«Բանանցը» հայտարարել է միանգամից 3 ֆուտբոլիստների հետ պայմանագրեր ստորագրելու մասին: Ընդ որում, բոլորն էլ ակումբի ֆուտբոլային դպրոցի սաներ են: Խոսքը հարձակվող Նորայր Գյոզալյանի և կիսապաշտպաններ Արամ Լոռեցյանի ու Կարեն Հարությունյանի մասին է: