«ՊՍԺ»-ն իր պաշտոնական կայքի միջոցով հայտարարել է «Ռեալ Սոսյեդադի» պաշտպան Յուրի Բերչիչեի հետ պայմանագիր կնքելու մասին: 27-ամյա խաղացողի համաձայնագրի ժամկետն ուժի մեջ կլինի մինչև 2021 թվականի հունիսի 30-ը, այլ մանրամասներ չեն հաղորդվում:
«Ինձ համար մեծ պատիվ կլինի կրել Եվրոպայի ամենահայտնի և ամենահարգված ակումբներից մեկի մարզաշապիկը: Վստահ եմ, որ սա իդեալական վայր է սեփական հմտությունները զարգացնելու համար: Ցանկանում եմ շարժվել առաջ և տիտղոսներ նվաճել»,- ասել է Բերչիչեն:
Պաշտպանն Իսպանիայի Լա Լիգայի նախորդ առաջնությունում անցկացրել է 35 հանդիպում և դարձել 3 գոլի հեղինակ: Բերչիչեն ավելի վաղ հանդես է եկել նաև Բիլբաոյի «Ատլետիկի» ու «Տոտենհեմի» մանկապատանեկան թիմերում:
