VBET Հայաստանի Պրեմիեր լիգայի 2021/22 մրցաշրջանի հաղթող «Փյունիկը» հուլիսի 5-ին կմեկնարկի Չեմպիոնների լիգայի նոր խաղարկությունում: Որակավորման 1-ին փուլում այդ օրը երևանյան ակումբը Վազգեն Սարգսյանի անվան «Հանրապետական» ստադիոնում ուժերը կչափի ռումինական «Կլուժի» հետ: Պատասխան խաղը կկայանա հուլիսի 13-ին:
Չեմպիոնների լիգայի որակավորման առաջին փուլից այս զույգից պայքարը լքող թիմը կխաղա Կոնֆերենցիաների լիգայի որակավորման 2-րդ փուլում՝ մրցելով Անդորրան ներկայացնող «Ինտեր Էսկալդեսի» հետ:
Անդորրական ակումբը Չեմպիոնների լիգայի նախնական փուլում նվազագույն հաշվով պարտվել է Ռեյկյավիկի «Վիկինգուրին»:
