Քայլի Ջեները մաշկի խնամքի նոր պարագաներ է թողարկել և սա մի բան է, որը Քայլին պետք է տոներ իրեն հատուկ ձևով. մոդել-գործարարը մեծ վարդագույն խնջույք էր կազմակերպել դրա առթիվ:
Երեկույթը, որին ներկա էին Քիմ, Քլոյի, Քորթնի Քարդաշյանները, Քրիս Ջեները, ՔեթլինՋեները և այլ հայտնի դեմքեր՝ ընկերներ, լի էր լուսանկարվելու բազմաթիվ տաղավարներով, ռամյոնով, վարդագույն սուշի ռոլերով, սնեքերով, վարդագույն պաղպաղակով, պիցցայով և կոկտեյլներով: Այստեղ կարող էիք նաև գտնել վարդագույն չմուշկներ ու սահել դրա համար նախատեսված տարածքում:
Քայլին հավաքածուի մասին հայտարարել էր դեռևս մայիսի 11-ին՝ հրապարակման մեջ գրելով.
«Քայլի գրողի տարած մաշկի խնամք: Wow:
Մաշկի խնամքն ու շպարն անբաժան են իրարից և Kylie Skin թողարկելու մասին ես սկսել եմ երազել Kylie Cosmetics-ի թողարկումից անմիջապես հետո: Ես կարծես մի ամբողջ կյանք աշխատել եմ սրա վրա և չեմ կարողանում հավատալ, որ այսօր հայտարարություն եմ անում դրա թողարկման մասին: Շպարի պարագաների իմ ընկերությունը 0-ից ստեղծելուց հետո ես շատ բան եմ սովորել, և ուրախ եմ, որ այդ գիտելիքն արդեն այսօր օգտագործում եմ նոր ընկերություն հիմնելու համար… Մաշկի խնամքի իմ հավաքածուն հարմար է բոլոր տեսակի մաշկի համար»:
Քայլիի անունը կրող մաշկի խնամքի պարագաները թողարկվել են մայիսի 22-ին և մեկ օրում հասցրել է սպառվել հավաքածուի մի քանի արտադրանք: Kylie Skin-ում կգտնեք սկրաբ, դեմքի փրփուր, շպարը մաքրելու միջոց, աչքերի քսուկ, շպարը մաքրող խոնավ անձեռոցիկներ, դեմքը խոնավեցնող միջոցներ և այլն:
Մաշկի խնամքի յուրաքանչյուր պարագան կարող եք գտնել Kylie Skin-ի կայքում, որտեղ դրանք հոլովակով ներկայացնում է հենց Քայլի Ջեները: