Glamour UK-ի աշուն-ձմեռ թողարկման շնորհանդեսը կկայանա սեպտեմբերի 20-ին
Ամերիկացի ռեալիթի շոուի աստղ, Քեյթլին և Քրիս Ջեներների երկրորդ դուստր և 2018 թվականի ամենահարուստ երիտասարդ կանանցից մեկը՝ Քայլի Ջեները, զարդարել է բրիտանական Glamour ամսագրի շապիկը: 21-ամյա Քայլին դարձել է ամսագրի՝ միանգամից 3 շապիկի գլխավոր հերոսը:
Տե՛ս Ի՞նչ է լսում Քայլի Ջեները
Kylie Cosmetics ընկերության հիմնադիրը ամսագրի հետ զրույցում կիսվել է գալիք սեզոնի ամենակարևոր 3 բյութի թրենդներով:
Փայլեր, դասական կարմիր շրթներկ և մինիմալիստական երեկոյան դիմահարդարում:
21-ամյա երիտասարդ մայրիկը իր հարցազրույցի ժամանակ նաև պատմել է իր ընտանիքի, հաջողության մասին, որը շատ է ցանկանում սովորեցնել նաև իր դստերը: Ամսագրի շնորհանդեսը նախատեսվում է սեպտեմբերի 20-ին, թե որտեղ, դեռ հայտնի չէ, սակայն նշվում է, որ երեկոյի հյուրերը կկարողանան ստանալ ամսագրի 100 օրինակ Քայլիի ստորագրությամբ և 500 շրթներկի հավաքածու Kylie Cosmetics-ից: