- Ես կարծում եմ, որ դու անվախություն ես ձեռք բերում այն պահին, երբ գիտակցում ես, թե ինչու պետք է այս կամ այն բանից վախենաս, սակայն, այնուամենայնիվ, գնում ես այդ քայլին:
- Ես ցանկանում եմ լավ աշխատանք անել, ես ցանկանում եմ, որ ինձ լավ մարդկանց հետ աշխատելու հնարավորություն տան, և միակ ճանապարհը, որով ես կարող եմ հասնել իմ ցանկություններին՝ 110 տոկոսով պատասխանատվությունն ինձ վրա ստանձնելն է: Գիտես, դու ստանում ես այն, ինչ տալիս ես:
- Երբեմն ճշմարտությունն այնքան էլ հաճելի չէ: Երբեմն մարդկանց հավատը պետք է պարզապես փոխհատուցվի:
- Դու պետք է անես այդ քայլը, դու պետք է ինքդ քեզ նեղություն տալով դիմացինիդ կոշիկներում հայտնվես, և զգաս, թե ինչքան հեռու կարող ես գնալ նրան հասկանալու համար: Ես սիրում եմ այն զգացմունքները, որոնք ծնվում են, երբ դերասանություն եմ անում:
- Ինչ-որ հետաքրքիր բան կա այն հանգիստ ու խաղաղ մարդու մեջ, որը միշտ հետևում է կանգնում և չի ցանկանում ուշադրության կենտրոնում լինել:
- Իրականում այս կան այն կերպարին մարմնավորելիս ես հետադարձ հայացք չեմ գցում իմ ապրած տարիների ու կուտակած փորձի վրա:
- Ես միանշանակ կարող եմ ասել, որ երբեք, երբեք հետաքրքրված չեմ եղել ռոմանտիկ կատակերգություններով, քանի որ վստահ եմ՝ չէի կարող մարմնավորել այդ տեսակ կերպարների, այլապես ծիծաղելի տեսք կունենայի:
- Ըստ իս աշխարհում ամենավատ բանն այն է, երբ կինը փորձում է ամեն կերպ սեքսուալ տեսք ունենալ:
- Իրականում ես միայն այն ժամանակ եմ գրագիտությամբ փայլում, երբ կողքիս լավ սցենարիստ է:
- Միակ բանն, ինչից կախվածություն ունեմ քունն է, և իրականում այն հասարակ կախվածությունից էլ առավել է՝ այն հաճույք է, իրական հաճույք:
- Ճակատագիր ասվածը գոյություն չունի: Կա միայն այն, ինչ դու անում ես, և կա այն, ինչը դու վախենում ես անել:
- Մարդիկ պետք է ուղղակի ենթադրություններ անեն այն ամենի մասին, ինչ ներսումդ է կատարվում:
- Բոլորը շատ են խոսում գործընթացի մասին, սակայն ֆիլմում ամենահետաքրքիրը հենց ինքը ֆիլմն է:
- Դերասանը չպետք է այն ֆիլմից կարևոր լինի, որում նկարահանվում է:
- Ինչքան քիչ գիտեք դերասանի մասին, այնքան հեշտ է հավատալ այն կերպարին, որին նա մարմնավորում է: Սա հաջողության գրավականներից մեկն է:
- Ես վախենում եմ ձանձրալի լինել:
- Ինչ էլ անես, գործդ միշտ ավարտին հասցրու, կանգ մի՛ առ ճանապարհի կեսին: Արա ավելին, քան կանեին մյուսները:
- Ես դերասան եմ, ես քաղաքական գործից չեմ: Միշտ ինքս ինձ մեղադրում եմ այն բանի համար, որ չափից շատ եմ խոսել ընտանիքիս կամ անձնական կյանքիս մասին:
- Ես ծնվել եմ Ուելսում, բայց ես ինձ անգլիացի եմ համարում:
- Գիտեք, որքան ծանր են լինում նկարահանումներն, այնքան շատ եմ զգում, որ ինքս ինձնից հաճույք եմ ստանում:
Կարդացեք նաև՝
