Դերասան Քրիստոֆեր Ուոքենը կնկարահանվի «Dune» ֆիլմի երկրորդ մասում, որի ռեժիսորը Դենիս Վիլնյովն է. այս մասին հայտնում է The Hollywood Reporter-ը։ Նա կմարմնավորի տիեզերքի կայսր Շադդամ IV-ին` Կորրինոյի իշխող տնից։
Վերջերս դերասանական կազմին միացել են նաև Ֆլորենս Պյուն, որը կմարմնավորի կայսեր դստերը՝ արքայադուստր Իրուլան Կորրինոյին, և Օսթին Բաթլերը, որը կմարմնավորի բարոն Հարկոնենի եղբորորդուն՝ Ֆեյդ-Ռաուտային:
«Dune» են վերադառնում նաև Տիմոթի Շալամեն, Ռեբեկա Ֆերգյուսոնը, Զենդայան, Խավիեր Բարդեմը և Ջոշ Բրոլինը:
Առաջին ֆիլմը ներառում է Ֆրենկ Հերբերտի օրիգինալ վեպի կեսը, «Dune 2»-ը՝ մյուս կեսը։
Նկարահանումները կսկսվեն 2022 թվականի աշնանը։ Ֆիլմի արտադրությամբ կզբաղվեն Warner Bros.-ը և Legendary's-ը:
Պրեմիերան կկայանա 2023 թվականի հոկտեմբերի 20-ին։