Քվենտին Տարանտինոն հայտարարել է, որ “Once Upon a Time … in Hollywood“ ֆիլմից հետո մտածում է ավարտել իր ռեժիսորական կարիերան: Ավելի վաղ ռեժիսորը նշել էր, որ իր 10-րդ ֆիլմից հետո դադարելու է ֆիլմեր նկարահանել:
«Կարծում եմ՝ խաղարկային կինոյի աշխարհում ես իմ անելիքն արդեն արել եմ: Այսօր ես ինձ տեսնում եմ ֆիլմերի և թատերական ներկայացումների գրքերի հեղինակի դերում, այնպես որ ես չեմ պատրաստվում հրաժարվել ստեղծագործելուց: Պարզապես ես կարծում եմ, որ կինոյին տվեցի այն ամենն, ինչը կարող էի տալ», –ասել է ռեժիսորն ավստրալիական GQ ամսագրի հետ իր զրույցում և հավելել. «Եթե այն («Մեկ անգամ Հոլիվուդում») իրոք լավ ընդունվի հանդիսատեսի կողմից, գուցե 10-րդ ֆիլմս չնկարահանեմ, գուցե հենց հիմա էլ կանգ առնեմ, գուցե կարիերաս փառքով ավարտեմ: Ժամանակը ցույց կտա»:
Աղբյուր`GQ