«Ալաշկերտը» հայտարարել է ղազախ հարձակվող Ալեքսեյ Ռադիոնովի հետ պայմանագիր կնքելու մասին։
27-ամյա ֆուտբոլիստը տեղափոխվել է Ղազախստանի «Ատիրաու» ակումբից, որի կազմում հանդես է եկել Արամ Ոսկանյանի ղեկավարությամբ։ Ռադիոնովն ընդգրկվել է այդ երկրի Մ19 և Մ20 հավաքականներում։
Հատկանշական է, որ հարձակվողը հաճախել է բրազիլական Olé Brasil ակադեմիա, հանդես է եկել նաև «Աստանայում»:
Նա «Ալաշկերտի» 3-րդ նորեկն է ձմեռային նախապատրաստական շրջանում։ Ավելի վաղ ակումբին էին միացել հարձակողական ոճի կիսապաշտպան Մանվել Ահարոնյանը և «Ատիրաուի» մեկ այլ ֆուտբոլիստ՝ ռուս կենտրոնական պաշտպան Դմիտրի Գուզը, որը նույնպես ղազախական այդ ակումբում Արամ Ոսկանյանի հետ աշխատելու փորձ ունի։
VBET Հայաստանի Պրեմիեր լիգայի առաջին հատվածից հետո «Ալաշկերտը» 21 միավորով 5-րդ հորիզոնականում է: