«Մեծ սաղավարտի» մրցաշարերի 22-ակի հաղթող Ռաֆայել Նադալն «Ուիմբլդոնի» երրորդ շրջան դուրս գալուց հետո ուշագրավ լուսանկար է հրապարակել սոցցանցերում։ Իսպանացին կարծես հենց հյուրանոցի սրահից է մտնում խաղահրապարակ։

«Ի՞նչ եք մտածում։ Գրեք մեկնաբանություններում»,- լուսանկարը մակագրել է Նադալը։

«Ուիմբլդոնի» երրորդ շրջանում 36-ամյա Նադալը հանդիպելու է իտալացի Լորենցո Սոնեգոյին, որը նախորդ փուլում 7:6 (7:4), 6:4, 6:4 հաշվով հաղթել է ֆրանսիացի Յուգո Գաստոնին։