«Մանչեսթեր Յունայթեդի» գլխավոր մարզիչ Ռալֆ Ռանգնիկը մրցաշրջանի ավարտից հետո կգլխավորի Ավստրիայի հավաքականը՝ հայտնում են Ավստրիայի ֆուտբոլային միության պաշտոնական կայքն ու «Մանչեսթեր Յունայթեդը»։

Ավստրիայի հավաքականի հետ Ռալֆ Ռանգնիկի պայմանագիրը նախատեսված է 2 տարով: Եթե թիմը դուրս գա ԵՎՐՈ 2024-ի հիմնական փուլ, ապա համագործակցության ժամկետն ավտոմատ կերկարաձգվի ևս 2 տարով։

63-ամյա գերմանացի մասնագետն անգլիական թիմը գլխավորել է 2021 թվականի դեկտեմբերի 3-ին։ Մրցաշրջանի ավարտից հետո նա կզբաղեցնի «Մանչեսթեր Յունայթեդի» խորհրդատուի պաշտոնը, իսկ անգլիական թիմի ղեկին նրան կփոխարինի նիդեռլանդցի մասնագետ Էրիկ տեն Հագը: