ԱՊԼ-ի 32-րդ տուրում «Մանչեսթեր Յունայթեդը» «Գուդիսոն Պարկում» նվազագույն հաշվով զիջեց «Էվերթոնին»:
Ռալֆ Ռանգնիկը մեկնաբանել է իր թիմի պարտությունը.
«4-5 շաբաթ առաջ կարողանում էինք մի շարք վտանգավոր պահեր ստեղծել և արդյունքում շատ գոլ էինք խփում: Այս պահին դա մեր խաղի գերխնդիրն է: Պետք է միասնական լինենք ու փորձենք բարելավել մեր խաղը, ավելի կրեատիվ գործենք, երբ տիրում ենք գնդակին: Կարծում եմ՝ պաշտպանության հետ ամեն ինչ կարգին է: Այսօր կարող էինք «չոր» հանդիպում անցկացնել և միավոր վաստակել, սակայն նույնիսկ այդ դեպքում բավարարված չէինք լինի»,- գերմանացի մասնագետի խոսքը փոխանցում է մանչեսթերյան ակումբի մամուլի ծառայությունը:
Հիշեցնենք, որ Պրեմիեր լիգայի ընթացիկ մրցաշարային աղյուսակում «Մանչեսթեր Յունայթեդը» զբաղեցնում է 7-րդ հորիզոնականը:
