«Լեսթեր Սիթիի» գլխավոր մարզիչ Կլաուդիո Ռանիերին պնդում է, որ «Աղվեսները» շուտով կբարելավեն դիրքերը Անգլիայի մրցաշարային աղյուսակում, որում այժմ ընթանում են 15-րդ տեղով:
Անգլիայի գործող չեմպիոնների համար անչափ կարևոր է հունվարի 14-ին կայանալիք «Չելսիի» դեմ խաղում հաղթանակ կորզել:
«Չելսին» մեծ շանսեր ունի ԱՊԼ-ի տիտղոսը նվաճելու համար: Սակայն մրցաշարը երկար է, նրանք պետք է զգույշ լինեն, նրանց կարող են շրջանցել:
Ցանկանում եմ, որ գավաթը նվաճի լավագույն թիմը, բայց եթե ես ստիպված լինեի ընտրել հաղթողին, ինչո՞ւ ոչ «Չելսին»:
Ընթացիկ խաղարկությունում ամեն ինչ իր տեղն է ընկել: «Չելսին» առաջին տեղում է, իսկ «Լեսթերը» մրցաշարային աղյուսակի ներքևում է, բայց մի անհանգստացեք: Նախորդ մրցաշրջանում մեր մարտվարությունը թույլ էր տալիս հաղթել բոլորին: Հիմա ամեն ինչ այլ է, բայց ես պաստրաստել եմ պլան Բ»,-ասել է իտալացի մասնագետը: