Ռայան Գիգսն առաջիկա ամռանը կայանալիք ԵՎՐՈ 2020-ում չի լինի Ուելսի հավաքականի գլխավոր մարզիչը:
Ուելսի ֆուտբոլային ասոցիացիայի պաշտոնականը կայքը հայտնում է, որ հաշվի է առնվել դատախազության որոշումը, ըստ որի՝ «Մանչեսթեր Յունայթեդի» լեգենդար կիսապաշտպանը մեղադրվում է 2 կնոջ վրա հարձակում գործելու մեջ:
Ուելսի հավաքականը եվրոպական գլխավոր ֆուտբոլային ստուգատեսում կմարզի Ռոբերտ Փեյջը, նրա օգնականը կլինի Ալբերտ Սթեյվենբերգը:
Ավելի վաղ հայտնի էր դարձել, որ Գիգսը մեղադրվում է 2020 թվականի նոյեմբերին Ուորսլիում գտնվող իր տանը նախկին ընկերուհուն՝ Քեյթ Գրևիլին մարմնական վնասվածք հասցնելու մեջ: Նախկին ֆուտբոլիստին մեղադրանք է առաջադրվել նաև նույն ենթադրյալ միջադեպի ժամանակ 20-ամյա աղջկա վրա հարձակվելու համար:
Բացի այդ, Գիգսին մեղադրում են 2017 թվականի դեկտեմբերից մինչև 2020 թվականի նոյեմբեր ընկած ժամանակահատվածում հարկադրանքի և վերահսկողության տարրերով վարվելակերպ դրսևորելու մեջ:
Հանրահայտ ֆուտբոլիստը գրավի դիմաց ազատ է արձակվել ու ապրիլի 28-ին պետք է ներկայանա Մանչեսթերի և Սոլֆորդի դատարան:
«Քնեց եղբոր կնոջ հետ ու լեգենդից վերածվեց դավաճանի». Ռայան Գիգսի անսահման ստորությունը
