Չեմպիոնների լիգա, կիսաեզրափակիչի պատասխան խաղ
«Ռեալ Մադրիդ» 2-1 «Մանչեսթեր Սիթի»(հիմնական ժամանակ)
Գոլերը՝ 0-1՝ Մահրեզ 73՛, 1-1՝ Ռոդրիգո 90՛, 2-1՝ Ռոդրիգո 90+1՛
Լրացուցիչ ժամանակ՝ 1-0
Գոլը՝ Կարիմ Բենզեմա 95՛, 11մ
Մադրիդի «Ռեալը», դիմակայությունում հաղթելով ընդհանուր 6-5 հաշվով, նվաճում է եզրափակիչի ուղեգիր, որտեղ Չեմպիոնների լիգայի գավաթը կվիճարկի «Լիվերպուլի» հետ:
ԿԱՐԵՎՈՐ ՓԱՍՏԵՐ
- Կառլո Անչելոտին առաջին մարզիչն է, որի թիմը 5-րդ անգամ կխաղա եվրագավաթային մրցաշարերի եզրափակիչում:
- «Ռեալը» 17-րդ անգամ նվաճեց եվրագավաթային մրցաշարի եզրափակիչի ուղեգիր. 16 խաղարկություններից 13-ում հաղթել է:
- Կարիմ Բենզեման Չեմպիոնների լիգայի մեկ մրցաշրջանում փլեյ-օֆֆում խփած գոլերի քանակով(10) կրկնեց Կրիշտիանու Ռոնալդուի ռեկորդը(2016/17թթ.):
- Կարիմ Բենզեման ընթացիկ մրցաշրջանում անցկացրած 43 խաղում խփել է 43 գնդակ:
- Մադրիդի «Ռեալն» առաջին անգամ հաղթահարեց եվրագավաթային մրցաշարի կիսաեզրափակիչի արգելքն առաջին խաղում պարտություն կրելուց հետո: Թիմն այս փուլի առաջին խաղերում պարտվելուց հետո չէր կարողացել եզրափակիչ դուրս գալ նախորդ 8 դեպքերում:
- «Ռեալը» գոլ չի խփել Չեմպիոնների լիգայի նախորդ 62 տնային խաղերից միայն 1-ում:
- Մահրեզը Չեմպիոնների լիգայի կիսաեզրափակիչներում իր խփած գոլերի քանակը հասցրեց 4-ի: