Մադրիդի «Ռեալը» չի պատրաստվում երկարաձգել ձախ պաշտպան Մարսելոյի, ինչպես նաև հարձակողական ոճի կիսապաշտպաններ Իսկոյի և Գարեթ Բեյլի պայմանագրերի գործողության ժամկետը՝ հաղորդում է Football Espana-ն։
Լրատվամիջոցը նշում է նաև, որ ակումբը աշխատում է կիսապաշտպան Լուկա Մոդրիչի պայմանագրի վրա։ Ավելի վաղ Մոդրիչը հայտնել էր, որ թիմի հետ նոր պայմանագրի շուրջ համաձայնության գալը «վայրկյանների հարց է»:
«Ռեալում» մտադիր են երկարաձգել կիսապաշտպան Մարկո Ասենսիոյի հետ աշխատանքային համաձայնագրի ժամկետը և բարձրացնել եզրային հարձակվող Վինիսիուս Ժունիորի աշխատավարձի չափը։