«Ռեալ Սոսիեդադը» իր պաշտոնական կայքում հայտարարել է Մարտին Էդեգորի՝ «Մանչեսթեր Սիթի» տեղափոխության մասին: Հիշեցնենք, որ այսօր՝ դեկտեմբերի 28-ին Իսպանիայում նշում են «հիմարների օրը»:
«Ռեալ Սոսիեդադը» համաձայնության է հասել «Մանչեսթեր Սիթիի» հետ, որ Մարտին Էդեգորը մինչև մրցաշրջանի ավարտը վարձավճարով խաղա Անգլիայում», – ասված է բասկյան ակումբի հայտարարությունում:
«Մանչեսթեր Սիթին» էլ արձագանքել է «Ռեալ Սոսիեդադի» կատակին ու նկար հրապարակել՝ բարի գալուստ մաղթելով նորվեգացի ֆուտբոլիստին:
Հիշեցնենք, որ Էդեգորի տրանսֆերային իրավունքները պատկանում են «Ռեալին»: