Բասկետբոլի Իսպանիայի առաջնության եզրափակիչ շարքի 4-րդ խաղում «Ռեալը» 81:74 հաշվով հաղթել է «Բարսելոնային» և նվաճել չեմպիոնական տիտղոսը (3-1):
Կաբո Վերդեի ներկայացուցիչ Վալտեր Տավարեշը («Ռեալ») դարձել է հանդիպման ամենաարդյունավետ խաղացող (25 միավոր):
Նշենք նաև, որ սա «սերուցքայինների» 36-րդ տիտղոսն էր ազգային առաջնությունում: «Կապտանռնագույնները» նման հաջողություն գրանցել են 19 անգամ:
Նախորդ տարի Իսպանիայի չեմպիոնի տիտղոսը նվաճել էր հենց կատալոնական ակումբը: