Մադրիդի «Ռեալի» գլխավոր մարզիչ Զինեդին Զիդանը հայտարարել է, որ թիմի առաջատարներ Կրիշտիանու Ռոնալդուն և Գարեյթ Բեյլը բաց կթողնեն Իսպանիայի առաջնության 4-րդ տուրի «Էսպանյոլի» դեմ խաղը:
Պորտուգալացի ֆուտբոլիստը, որը նոր-նոր է ապաքինվել ԵՎՐՈ-2016-ի եզրափակչում ստացած վնասվածքից, շարքից դուրս է մնացել հարբուխի պատճառով: Իսկ Բեյլը գոտկատեղի վնասվածք է ստացել:
Այնուամենայնիվ ֆուտբոլիստները պատրաստ կլինեն «Վիլյառեալի» դեմ հանդիպմանը:
«Ռոնալդուն կոկորդի ցավեր ունի և չի մասնակցի «Էսպանյոլի» դեմ խաղին: Իսկ Բեյլը հարված է ստացել, և վնասվել է նրա գոտկատեղը, մենք ռիսկի չենք դիմի ու խաղադաշտ դուրս չենք բերի Գարեյթին: Ունենք այնպիսի ֆուտբոլիստներ, որոնք կարող են փոխարինել վնասվածք ստացած խաղընկերներին:
Ես ցանկանում եմ, որ Բեյլը 100% պատրաստ լինի «Վիլյառեալի» հետ խաղին: Վաղը նա կարող է հարված ստանալ նույն տեղին և դուրս մնալ շարքից 10 օրով»,-Goal.com-ն է մեջբերում ֆրանսիացի մասնագետի խոսքերը:
