Մինչ «Ռեալի» ղեկավարությունն իր աջակցությունն էր հայտնում ակումբի իտալացի մարզիչ Կառլո Անչելոտիին, ակումբի երկրպագուները չեն կարողանում ներել նրան «Բարսելոնայի» դեմ խաղում ձախողումը և քվեարկությամբ արդեն ընտրել են իտալացի մասնագետի փոխարինողին։
AS պարբերականի անցկացրած քվեարկության համաձայն՝ Մադրիդի «Ռեալի» երկրպագուները թիմի ղեկին ցանկանում են տեսնել ակումբի նախկին ֆուտբոլիստ Խաբի Ալոնսոյին:
Այժմ նա մարզում է բասկյան «Ռեալ Սոսյեդադի» 2-րդ թիմը, որն արդեն հանդես է գալիս Սեգունդայում։
Նրա գործող պայմանագրի ժամկետը լրանում է ամռանը, և «Ռեալի» երկրպագուներից շատերը նրան տեսնում են որպես Անչելոտիին փոխարինելու ամենահավանական թեկնածու։
