«Ռեալի» գլխավոր մարզիչ Զինեդին Զիդանը տեղեկացրել է, որ մադրիդյան ակումբի պաշտպան Խեսուս Վալյեխոն և կիսապաշտպան Տոնի Կրոսը չեն խաղա Իսպանիայի առաջնության 4-րդ տուրի «Ռեալ Սոսյեդադի» դեմ արտագնա հանդիպմանը:
Գերմանացին և իսպանացին բաց են թողել թիմի վերջին մարզումը, այդ պատճառով Զիդանը որոշել է վտանգի տակ չդնել ֆուտբոլիստներին:
Հիշեցնենք, որ «Ռեալի» առաջիկա խաղը վնասվածքի պատճառով բաց կթողնեն նաև Բենզեման և Կովաչիչը, իսկ Ռոնալդուն և Մարսելոն չեն մասնակցի խաղին որակազրկման պատճառով:
«Ռեալ Սոսյեդադ»-«Ռեալ Մադրիդ» հանդիպումը կկայանա սեպտեմբերի 17-ին՝ 22:45-ին: