«Ռեալի» սերբ հարձակվող Լուկա Յովիչը մոտ է մադրիդյան թիմից հեռանալուն: Ինսայդեր Նիկոլո Սկիրայի տեղեկություններով՝ «Արքայական ակումբը» հարձակվողի ծառայություններն առաջարկել է իտալական «Ֆիորենտինային»:
Հաղորդվում է, որ «մանուշակները» պատրաստ են վարձակալել 24-ամյա սերբ ֆուտբոլիստին: Յովիչի՝ «Ռեալի» հետ պայմանագիրը գործում է մինչև 2025 թվականի ամառ: Ավելի վաղ հաղորդվում էր, որ Լուկային մտադիր է ձեռք բերել անգլիական «Վեսթ Հեմը»:
2021/22 մրցաշրջանում Լուկա Յովիչը Մադրիդի «Ռեալի» կազմում մասնակցել է 19 հանդիպման, խփել 1 գոլ և կատարել 3 գոլային փոխանցում։