Մադրիդի «Ռեալի» ղեկավարները չեն հասկանում, թե ինչու է «Բարսելոնայի» նախագահ Ժոան Լապորտան այդքան հետաքրքրված մադրիդյան թիմին վերաբերող իրադարձություններով։
Ըստ Marca-ի՝ Մադրիդի «Ռեալի» ղեկավարներին զվարճացրել է Լապորտայի վերջին հայտարարությունը, ըստ որի՝ կատալոնական ակումբը երբեք ձեռք չի բերի Կիլիան Մբապեին, որովհետև ֆրանսիացին պահանջում է տարեկան 50 միլիոն եվրո աշխատավարձ:
«Սերուցքայինները» չեն հասկանում, թե ինչու է «կապտանռնագույնների» նախագահն այդքան անհանգստացած մադրիդյան թիմին առնչվող իրադարձություններով:
Նշենք՝ Մադրիդի «Ռեալը» Կիլիան Մբապեի հետ պայմանագիր կնքելու գլխավոր հավակնորդն է։ Ավելի վաղ հաղորդվում էր, որ «սերուցքայինները» 23-ամյա ֆրանսիացի հարձակվողի տեղափոխության մասին կհայտարարեն Չեմպիոնների լիգայի եզրափակիչից հետո։