«Ռեալը» կարող է հերթական համալրումն ունենալ «Բավարիայից»:
Ինչպես տեղեկացնում է DefensaCentral-ը, «Արքայական ակումբը» ցանկանում է գնել մյունխենցիների եզրային հարձակվող Կինգսլի Կոմանին: Աղբյուրի փոխանցմամբ՝ մադրիդցիների ղեկավարությունն արդեն կապ է հաստատել ֆրանսիացու հետ և նրան առաջարկել տարեկան 13 միլիոն եվրո աշխատավարձ: «Բավարիայի» հետ «Ռեալը» դեռ բանակցություններ չի սկսել:
Ավելի վաղ հաղորդվում էր, որ Կոմանը չի կարողանում համաձայնության գալ «Բավարիայի» հետ նոր պայմանագրի շուրջ, իսկ գործողն ավարտվում է հաջորդ տարի: