Ինչպես հայտնի է, Մադրիդի «Ռեալն» այսօր՝ Երևանի ժամանակով կեսգիշերն անց 0:15-ին, սեփական հարկի տակ ընդունելու է «Վալենսիային»:
Հանդիպումից առաջ «Արքայական» ակումբին է հանձնվելու Լա Լիգայի նախորդ մրցաշրջանի չեմպիոնական գավաթը: Ըստ ավանդույթի՝ այն հաղթող թիմին տրվում է նոր մրցաշրջանի առաջին տնային մրցավեճից առաջ:
Հիշեցնենք՝ համացանցում մեծ տարածում էր գտել այն տեսանյութը, որում Գարեթ Բեյլը և Լուկա Մոդրիչը նախորդ առաջնության վերջին հանդիպումից հետո անակնկալի են գալիս՝ տեղեկանալով, որ այդ օրը չեն ստանալու գավաթը: Զինեդին Զիդանի թիմը Լա Լիգա-2016-17-ում իր վերջին խաղն անցկացրել է մայիսի 21-ին՝ 2-0 հաշվով հաղթելով «Մալագային»:
Իսպանիայում տրվում է 2 պարգև: Առաջինն արդեն ակումբին է հանձնել Լա Լիգայի նախագահ Խաբյեր Տեբասը գալա-երեկույթի ժամանակ, իսկ 2-րդով այսօր կպարգևատրի Իսպանիայի ֆուտբոլի ֆեդերացիայի նախագահ Խուան Լուիս Լարեան:
