«Չելսիի» պաշտպան Անտոնիո Ռյուդիգերը հետաքրքրել է «Ռեալին» ու «Բավարիային»։
28-ամյա գերմանացու գործող պայմանագրի ժամկետը լրանում է մրցաշրջանի ավարտին և կողմերը հեռու են նոր համաձայնության հասնելուց։
«Ռեալն» ու «Բավարիան» պատրաստ են բավարարել ֆուտբոլիստի ֆինանսական պահանջները։ Նա ցանկանում է շաբաթական 200 հազար եվրո վաստակել։ Ներկայումս նրա աշխատավարձը կազմում է շաբաթական 100 հազար եվրո։
Ռյուդիգերը միայն այս պայմանով է համաձայն մնալ «Չելսիում»։ Եթե աշխատավարձի բարձրացում տեղի չունենա, ապա նա կդիտարկի այլ առաջարկներ։
Ընթացիկ մրցաշրջանում Ռյուդիգերը մասնակցել է ԱՊԼ-ի 6 խաղի՝ դառնալով 1 գոլի հեղինակ։