Սերխիո Ռամոսի՝ Մադրիդի «Ռեալից» հեռանալուց հետո մոտ մեկ ամիս է անցել, սակայն «Արքայական ակումբում» նրա խաղահամարը դեռևս ազատ է:
Marca-ն հաղորդում է, որ Ռամոսի խաղահամարը վերցնելու ցանկություն թիմում ոչ ոք չի հայտնել: Նույն իրավիճակն էր նաև Իսպանիայի հավաքականում ԵՎՐՈ 2020-ի ժամանակ, երբ Ռամոսի՝ «15» համարի մարզազգեստն ազատ մնաց՝ չնայած նրան, որ իսպանացին չէր մասնակցում մրցաշարին:
Ավելի վաղ հայտնի է դարձել, որ Ռամոսը ՊՍԺ-ում հանդես կգա «4» համարի մարզազգեստով, որով ելույթ էր ունենում Տիլո Կերերը:
