«Ռեալի» կիսապաշտպան Իսկոն ամառային տրանսֆերային պատուհանի ընթացքում ամենայն հավանականությամբ հեռանալու է մադրիդյան թիմից։
El Transistor ռադիոկայանի տեղեկություններով՝ «Արքայական ակումբի» սեղանին կա առաջին առաջարկը իսպանացի կիսապաշտպանի համար։ «Միլանը» 15 միլիոն եվրո է առաջարկել Իսկոյի համար։ «Ռեալի» պատասխանը դեռևս հայտնի չէ։
Ենթադրվում է, որ նույնիսկ այսպիսի գնով «Արքայական ակումբը» պատրաստ կլինի բաժանվել Իսկոյից։ Նա բավականին բարձր աշխատավարձ է ստանում ու նախորդ մրցաշրջանում անհաջող է խաղացել։
Իսկոն 2013 թվականից է խաղում «Ռեալում»։
