Լա լիգայի 37-րդ տուրում «Ռեալը» մրցակցի հարկի տակ ոչ-ոքի խաղաց «Կադիսի» հետ (1:1):
Հանդիպման լավագույն ֆուտբոլիստ ճանաչվեց «սերուցքայինների» դարպասապահ Անդրեյ Լունինը, որը 61-րդ րոպեին հետ մղեց Ալվարո Նեգրեդոյի 11-մետրանոց հարվածը, ինչպես նաև մի քանի տպավորիչ սեյվ կատարեց:
Ուկրաինացի դարպասապահի խաղը յուրահատուկ կերպով է գնահատել «Արքայական ակուբի» ինստագրամյան էջը.
«Մեր 12 միավորն անցնում է... Անդրեյ Լունինին»:
Նշենք, որ Եվրատեսիլ երաժշտական մրցույթում երկրները 12 միավոր են շնորհում այն մասնակցին, որին համարում են լավագույնը:
Հատկանշական է, որ Եվրատեսիլ-2022-ում հաղթող է ճանաչվել Ուկրաինայի Kalush Orchestra խումբը:
