Մադրիդի «Ռեալը» ներկայումս ոչ միայն գլխավորում է Իսպանիայի առաջնության մրցաշարային աղյուսակը, այլ նաև եվրոպական ակումբների շարքերում գլխով ամենաշատ գոլերն է կարողացել խփել, հայտնում է Marca-ն:
«Սերուցքայինների» գլխով ամեն 4-րդ հարվածը դարպասին ավարտվել է գոլով: Այսպիսով, 106 հարվածներից 24 հայտնվել է ցանցում:
Իսպանիայում «արքայական» ակումբին այս ցուցանիշով նախորդում է «Բարսելոնան» (12) և «Ռեալ Սոսյեդադը» (12): Իսկ եվրոպական ակումբներից «Ռեալի» հետ այս արդյունքով մրցում է «Արսենալը» (15):
Ավելի վաղ տեղեկացրել էինք, որ մադրիդցիները նոր ակումբային ռեկորդ են սահմանել՝ գրավելով մրցակիցների դարպասը 42-րդ խաղում շարունակ։
