Բասկետբոլի Եվրալիգայի խաղարկությունում մեկնարկել է «Չորսի եզրափակիչ» փուլը:
Մադրիդի «Ռեալը» համառ պայքարում հաղթել է կատալոնական «Բարսելոնային»՝ 86:83: Հանդիպման ամենաարդյունավետ բասկետբոլիստը «Բարսելոնայի» հարձակվող Նիկոլա Միրոտիչն էր, որը դարձել է դաբլ-դաբլի հեղինակ՝ 26 միավոր և 12 անդրադարձ։
«Չորսի եզրափակիչի» մյուս զույգում մրցաշարի գործող չեմպիոն «Անադոլու Էֆեսը» հաղթել է հունական «Օլիմպիակոսին»՝ 77:74: Խաղի ամենաարդյունավետ բասկետբոլիստը թուրքական թիմի պաշտպան Շեյն Լարկինն էր, որն իր ակտիվում գրանցել է 21 միավոր և 7 արդյունավետ փոխանցում:
Այսպիսով՝ վաղը՝ մայիսի 21-ին, մրցաշարի 3-րդ տեղի համար խաղում «Բարսելոնան» կհանդիպի «Օլիմպիակոսին» (18:00), իսկ եզրափակիչում չեմպիոնական տիտղոսը կփորձի պաշտպանել «Անադոլու Էֆեսը»՝ մրցելով «Ռեալի» հետ (21:00):