Բասկետբոլի Եվրալիգայի 1/4 եզրափակիչում կայացել է ևս 2 հանդիպում: Իսպանական «Ռեալը» քառորդ եզրափակիչի առաջին խաղում 84։74 հաշվով հաղթել է Թել Ավիվի «Մաքաբիին»։
Տանտերերի կազմում ամենաարդյունավետը Ֆաբիեն Կոզերն էր, որն իր ակտիվում գրանցել է 20 միավոր։
Իսրայելական թիմից ամենաարդյունավետը Սքոթի Ուիլբեկինն էր, որը նույնպես վաստակել է 20 միավոր։
Շարքի հաջորդ խաղը կկայանա ապրիլի 22-ին Մադրիդում։
Հունական «Օլիմպիակոսն» էլ 1/4 եզրափակիչի առաջին հանդիպումն է անցկացրել ֆրանսիական «Մոնակոյի» հետ։ Խաղն ավարտվել է հունական թիմի հաղթանակով՝ 71։54 հաշվով։
«Օլիմպիակոսից» ամենաարդյունավետ խաղացողներն են Շաքիլ ՄակԿիսիչը և Գեորգիոս Պրինտեզիսը. երկուսն էլ վաստակել են 12 միավոր: «Մոնակոյի» կազմում 10-ական միավոր վաստակել են Մայք Ջեյմսը և Դոնտա Հոլը:
Շարքի հաջորդ հանդիպումը կկայանա ապրիլի 22-ին Հունաստանում: