Մադրիդի «Ռեալի» բրազիլացի կիսապաշտպան Կազեմիրոն վնասվածքի պատճառով կարող է բաց թողնել Չեմպիոնների լիգայի կիսաեզրափակիչի՝ «Մանչեսթեր Սիթիի» դեմ առաջին հանդիպումը։
Լրագրող Խոսե Լուիս Սանչեսի խոսքով՝ 30-ամյա բրազիլացի ֆուտբոլիստը մկանային խնդիրներ ունի, ինչի պատճառով կիսապաշտպանը բաց կթողնի Իսպանիայի Լա լիգայի 33-րդ տուրի՝ «Օսասունայի» դեմ հանդիպումը։
Հավանականություն կա, որ Կազեմիրոն չի հասցնի լիովին վերականգնվել մինչև «Մանչեսթեր Սիթիի» դեմ առաջին խաղը:
Չեմպիոնների լիգայի «Ռեալ» - «Ման. Սիթի» կիսաեզրափակիչ դիմակայության առաջին հանդիպումը կկայանա ապրիլի 26-ին։