Մադրիդի «Ռեալը» ձեռքերը ծալած չի նստում և արդեն տարբերակներ է փնտրում թիմի ամենաառանցքային ֆուտբոլիստներից մեկին փոխարինելու համար: «Արքայական» ակումբը արդեն հասցրել է կազմել այն ֆուտբոլիստների կարճ ցուցակը, որոնք հետագայում կարող են զբաղեցնել Կրիշտիանու Ռոնալդուի տեղը:
ՊՍԺ-ի ֆուտբոլիստ Գոնսալոու Գեդեշը, որը վարձավճարով հանդես է գալիս «Վալենսիայում», հավակնորդների թվում է, «սերուցքայինները» դիտարկում են նաև «Գրեմիոյի» կիսապաշտպան Լինկոլնի և «Պալմերայսի» 17-ամյա հարձակվող Ալան Սոուզայի ծառայությունները:
Միաժամանակ ընդգծվում է, որ վերջին շրջանում Ռոնալդուի և «Ռեալի» նախագահ Ֆլորետինո Պերեսի հարաբերությունները լարված են, քանի որ պորտուգալացին ցանկանում է Նեյմարից և Մեսիից բարձր աշխատավարձ ստանալ: