Մադրիդի «Ռեալը» ֆրանսիացի հարձակվող Կարիմ Բենզեմայի պայմանագիրը կերկարաձգի՝ հաղորդում է Marca պարբերականը:
Աղբյուրը հայտնում է՝ մադրիդյան ակումբի նախագահ Ֆլորենտինո Պերեսը և թիմի գլխավոր մարզիչ Կառլո Անչելոտին Կարիմ Բենզեմային համարում են անձեռնմխելի ֆուտբոլիստ։ 34-ամյա ֆրանսիացու պայմանագիրը գործում է մինչև 2023 թվականի ամառ:
Մադրիդի «Ռեալի» ղեկավարները համոզված են, որ ֆրանսիացին թիմում կխաղա առնվազն ևս երկու մրցաշրջան։ Շուտով Բենզեմայի պայմանագիրը կերկարաձգվի մինչև 2024 թվականը:
Այս ամենը նվազեցնում է 2-րդ հարձակվող ձեռք բերելու անհրաժեշտությունը: Սակայն «Արքայական ակումբն» ապագայի համար նոր հարձակվող է փնտրում:
Այս պահին Մադրիդի «Ռեալի» առաջնահերթությունը մի քանի խաղացողի ապագայի վերաբերյալ որոշում կայացնելն է։ Ակումբը ցանկանում է թեթևացնել կազմը, իսկ հետո մտածել նորեկների մասին։
Նախորդ մրցաշրջանում Մադրիդի «Ռեալի» կազմում անցկացրած 46 խաղում 34-ամյա Բենզեման խփել է 44 գոլ և կատարել 15 գոլային փոխանցում: