«Ռեալի» մարզաբազայում կայացավ թիմի նորեկ, ավստրիացի պաշտպան Դավիդ Ալաբայի շնորհանդեսը։
Ալաբան մադրիդյան թիմում կխաղա 4 համարի մարզաշապիկով։ 16 տարի այս մարզաշապիկով խաղացել էր «Ռեալի» ավագ Սերխիո Ռամոսը, որը ազատ գործակալի կարգավիճակով տեղափոխվեց ՊՍԺ։
Դավիդ Ալաբան ազատ գործակալի կարգավիճակով է տեղափոխվել «Ռեալ»։ Նրա նախորդ ակումբը եղել է Մյունխենի «Բավարիան»։
Ալաբայի հետ «Ռեալը» հինգ տարվա պայմանագիր է կնքել։