Մադրիդի «Ռեալը» համաձայնեցրել է ՊՍԺ-ի հարձակվող Կիլիան Մբապեի տրանսֆերը՝ հայտնում է Marca-ն։
Աղբյուրի տեղեկություններով՝ մադրիդյան ակումբը չի պատրաստվում պաշտոնապես հայտարարել գործարքի մասին, քանի դեռ 23-ամյա ֆրանսիացի ռմբարկուն ՊՍԺ-ից հեռանալու մասին հայտարարություն չի արել։
Ֆրանսիայի Լիգա 1-ի ավարտվող մրցաշրջանի լավագույններին պարգևատրելու համար երեկ կայացած մրցանակաբաշխության ժամանակ Մբապեն ասել էր, որ արդեն որոշում է կայացրել իր ապագայի վերաբերյալ և առաջիկայում կհայտարարի դրա մասին:
Ավելի վաղ հայտնել էինք, որ Կիլիանը վերջնական որոշման մասին հայտարարություն կանի Ֆրանսիայի հավաքականի ճամբարում:
Ընթացիկ մրցաշրջանում Մբապեն ՊՍԺ-ի կազմում անցկացրած 45 խաղում դարձել է 36 գոլի և 26 գոլային փոխանցման հեղինակ։ Ֆուտբոլիստի պայմանագիրը փարիզյան ակումբի հետ ուժի մեջ է մինչև հունիս: