Մադրիդի «Ռեալը» կորցրել է հետաքրքրությունը Դորտմունդի «Բորուսիայի» հարձակվող Էրլինգ Հալանդի նկատմամբ՝ հայտնում է Marca-ն։
Հաղորդվում է, որ մադրիդյան ակումբին չեն բավարարել ֆուտբոլիստի ֆինանսական պահանջները, որոնք առաջ է քաշում նրա գործակալ Մինո Ռայոլան: Մադրիդյան ակումբին նաև անհանգստացնում են Հալանդի հաճախակի վնասվածքները:
Ավելի վաղ հաղորդվում էր, որ հարձակվողի համար պայքարում մադրիդցիների գլխավոր մրցակիցներից մեկը «Մանչեսթեր Սիթին» է, որի հետ, ըստ որոշ աղբյուրների, Հալանդն արդեն պայմանավորվել է անհատական պայմանագրի շուրջ։
Սակայն «Բորուսիայի» ներկայացուցիչները հայտարարել են, որ անգլիական ակումբը դեռ պաշտոնական առաջարկ չի արել խաղացողի տրանսֆերի համար։